Qostanaıda «Quqyqtyq dárihana» áleýmettik jobasy bastaldy. «Zań men tártip» qaǵıdatyn ilgeriletý maqsatynda qolǵa alynǵan jobany prokýratýra men Quqyqtyq statıstıka jáne arnaıy esepke alý jónindegi komıtettiń oblystaǵy departamenti uıymdastyryp otyr, dep jazady Egemen.kz.
Jobanyń alǵashqy kúni «Mart» saýda-oıyn-saýyq ortalyǵynda zań mamandary turǵyndarǵa quqyqtyq máseleler boıynsha keńes berdi, «e-Otinish» aqparattyq júıesi arqyly ótinishterdi qaraý tártibin túsindirdi.
Sonymen qatar Bas prokýratýranyń Quqyqtyq statıstıka jáne arnaıy esepke alý jónindegi komıteti kórsetetin memlekettik qyzmetter týraly aqparattyq býkletter taratty.
Jobanyń maqsaty – azamattarǵa, ásirese memlekettik organdarǵa sırek júginetin nemese quqyqtyq kómekke zárý adamdarǵa qoldaý kórsetý.
Is-shara sheńberinde prokýrorlar halyq jıi kezdesetin quqyqtyq máseleler týraly derek jınaıdy jáne ony taldaıdy.
«Bul bizge kúrmeýli máselelerdi anyqtaýǵa jáne olardy sheshýdiń tıimdi joldaryn qarastyrýǵa kómektesedi», deıdi oblystyq prokýratýranyń ókilderi.
Qostanaı oblysy